මූණු පොතේ ටැග් කිරීම සහ වැඩක් නොකර තැග් ගැසිම - Evil FB tagging

පසුගිය දා කොලඹ පැවති එක්තරා උපන් දින සාදයකි. එය විශ්‍රාමිකයෙකු ගේ හැට පස්වෙනි උපන් දිනයයි. මේ පුද්ගලයා ගේ ක්ලාස් මේටයෙකු වූ "අහවලා" ද මේ උපන් දින සාදයට පැමිණ ඇත. මගේ ඥාතියෙකු ගේ දෙමව්පිය යුවල ද "අහවලා" මෙන්ම මේ බර්ත් ඩේ බෝයි ගේ ක්ලාස් මේට් වීම හේතුවෙන් මේ සාදයට ඒ හේතුව නිසාම ඇරයුම් ලැබ සිටියහ.

මෙවැනි තැනකදී අනිවා ඩෙෆා සිදුවෙෆන පරිදි "අහවලා" සමග සිට සමූහ ඡායාරූප වලට මේ දෙමව්පිය යුවල ද පෙනී සිටියහ.

මගේ ඥාතියා පසුවදාම කලේ ඒ "අහවලා" වටකරගෙන තම දෙමව්පියන් සහ අනෙකුත් ක්ලාස් මේට්ස් ලා සිටින ඡායාරූප දෙකක් මුහුණු පොතට අප්ලෝඩ් කර ඒවාට මංතුමාව ටැග් කිරීමයි.

හතර විලිලැජ්ජාවකි.

http://kathandara.blogspot.com/2013/03/evil-fb-tagging.html

වික්‍රමතුංග ගේ සිරා ජෝක්ස් සහ පීචං ජෝක්ස් - Gravis iocos et low-gradu iocos secundum Udareous Vickramathungeous

පසුගිය දා තම සංගීත දිවියේ පනස්වෙනි වසර සම්පූර්ණ කළ නිහාල් නෙල්සන් එක විදියක පොරකි.

පොර ගැන අප බොහෝ දෙනෙකු අසා ඇති එක කතාවක් මෙසේය.

කලෙක ඉහත, ඒ කියන්නේ ජෝතිපාල ද ජීවත්වෙන කාලයේ, සිංහල විදග්ධයෝ ඇසුවේ අමරදේව ගේ, වික්ටර් රත්නයාක ගේ, නන්දා මාලනී ගේ සින්දු ය. මේවා හින්දුස්ථාන සංගීයට අනුව නිමවුණු, ගැයුණු, තබ්ලා, වයලීන්, බටනලා වැනි පෙරදිග වාද්‍ය භාණ්ඩ මගින් සංගීතය සැපයුණු ප්‍රබුද්ධ ගීත විය.

ඒ ගී ගැයුවෝ ප්‍රබුද්ධ ගායකයෝ ය.
ඒ ගී ලියූවෝ ප්‍රබුද්ධ කවියෝ ය.
ඒ ගී අසා රස වින්දෝ ප්‍රබුද්ධ ශ්‍රාවකයෝ ය.

දිනක් පුවත්පත් සම්මුඛ සාකච්ඡාවකදී මේ ගැන අදහස් දැක්වූ ජෝතිපාල "ඒ අය ප්‍රබුද්ධ ගායකයෝ, අපි නිකං පීචං ගායකයෝ!" කියා තමන් පරාජය බාර ගෙන තිබුණි.

සම්පුර්ණ කතන්දරය මෙතනින් කියවන්න.

http://kathandara.blogspot.com/2013/03/gravis-iocos-et-low-gradu-iocos.html

දුමින්ද කඩේ යයි - Duminda goes shopping

දුමින්ද ගේ එයාපෝර්ට් ට්‍රිප් එක ගැන කතන්දරේ ලිව්වාට පස්සේ මට පොර ගැන අමතකම වෙලා ගියා. බැලුවාම දැන් අවුරුදු දෙකකටත් වැඩිය ගතවෙලා.

කතන්දර බ්ලොග් එක මුල කාලේ ඉඳලා කියවන අයට නම් සමහර විට තාමත් මතක ඇති දුමින්ද ගැන කියවුණු මෙන්න මේ කතන්දර දෙක.

1. කෝක් වානා - අරක්කු ඕනා
2. යුග දිවියක් ගායනා කිරීම

අද කතන්දරේ දුමින්ද කඩේ ගිය හැටි ගැනයි. මේතන කඩේ යනවාය කියන්නේ අනියම් අරුතෙන් නොවෙයි අර කතන්දරකාරයා කඩේ ගියා වගේ කඩේ යාමක්. වෙත් විදියකින් කියනවානම් විජේකෝන් නාන්න යනවා වගේ කේස් එකක් ගැනයි.

http://kathandara.blogspot.com/2013/03/duminda-goes-shopping.html

තායි කෑම රස බැලුවෙමි - Delicacies from Thailand

කාලෙකට පස්සේ තායි කෑම ජාති කීපයක රස බලන්න පුළුවන් වුණා.

මේකයි කේස් එක.

අපේ අසල්වැසි අංකල් කෙනෙකුගෙයි ඒ ඇන්ටිගෙයි වෙඩින් ඇනිවසරි එක ගිය සුමානේ තිබිලා තියෙන්නේ. අපි දැන ගෙන හිටියේ නෑ, අංකල්ලා ගේ දුව කියනකම්ම.

ඉතිං ඒ හේතුව පිට දාලා අද සෙනසුරාදා හෝටලයකට ගිහින් කෑම ගනිමු කියලා යෝජනාවක් ආවා.

හාමිනේයි, මායි දෙන්නත් එක පයින් කැමති වුණා වැඩේට. මොකද, උයන්න ඕනැත් නෑනේ!

ඉතිං අපි පිරිසම ගියේ තායි කෑම තියෙන හෝටලේකටයි.

මංතුමා නම් වැඩිපුර මේ තායි කෑම කන්න කැමති නෑ. මොකද අර පස්තාච්චි කුපාඩි කාලේ තායිලන්තේදී ඔරිජිනල් තායි කෑම කාලා තියෙන කෙනෙකුට, මේ හෝටල්වල තියෙන තායි කෑම ටිකක් වෙනස් බවකුයි දැනෙන්නේ.

අද නං හැබැයි කෑම වේල නැගලා ගියා.

මෙන්න අපි කාපු ඒවා.

http://kathandara.blogspot.com/2013/03/delicacies-from-thailand.html

කොලඹ දියකිරි ගමට ගෙනගොස් කැකිරි කරි හදමු! - Random thoughts on school education in Sri Lanka

මේ ලංකාවේ බෞද්ධ මිෂනාරි අධ්‍යාපනයට වසර එකසිය විසිපහක් පිරීම සැමරීම පිණිස 2011 නොවැම්බරයේ දී ලියූ ලිපියකි.

කොලඹ දියකිරි ගමට ගෙනගොස් කැකිරි කරි හදමු

ජන්මෙ ද නැත්තං පරිසරය ද - මහැදුරුකාරයෙකු ගේ කතාවක් : Genetic or environmental factors?

පෙරේදා මං දාපු අතිජාත, සහජාත සහ අවජාත Genes or environment? කතන්දරේ ලියන වෙලාවේ පරණ කතන්දර දෙක තුනක්ම සිහිවුණා.

මෙන්න ඒවායින් කීපයක්.

මේ මුල් කතන්දරේ නං තුනේ පන්තියේ බුද්ධාගම පොතෙන් හැමෝම කියවලා ඇති.

ඔන්න එක කැලේක කුරුළු කූඩුවක ගිරා පැටව් දෙන්නෙක් හිටියා. දවසක් මහ සැඩ සුළඟකින් මේ කූඩුව කැඩිලා එක පැටියෙක් හුළගේ පාවෙලා ගිහින් තාපසයින් ඉන්න කුටියක් ලඟ වැටුණා. තාපසයෝ මේ ගිරා පැටියාව තමන් ගේ කුටියේ හදා වඩා ගත්තා.

අනිත් ගිරා පැටියා හුළගේ පාවෙලා ගිහින් වැටුණේ පල් හොරු රැලක් ඉන්න ගල් ගුහාවක් ලඟයි. මූ එතන හැදුණා.

http://kathandara.blogspot.com/2013/03/genetic-or-environmental-factors.html

අතිජාත, සහජාත සහ අවජාත - Genes or environment?

මට හිතෙන විදියට නම් මේ අවජාත යන වචනය කසාදෙන් පිට අනියම් සම්බන්ධකමකින් දරුවෙකු ලැබීම යන්න හැඳින්වීමට යොදා ගැනීම වැරදියි.

පිරිමියෙක් සහ ගැහැණියෙක් ලිංගිකව එක්වීම සහ එමගින් දරුවෙකු පිළිසිඳ ගැනීම යන ස්වභාවික ක්‍රියාදාමය කසාද බැඳලා හිටියාද නොහිටියාද කියන කෘතිම රාමුවට අහුවෙන දෙයක් නොවෙයි.

ඒ ආකාරයට අනියම් සම්බන්ධයකින් උපදින දරුවෙකු අවජාත වචනයේ නියම අරුත වන මාපියන්ට වඩා පහත් ගතිගුණ ඇත්තෙකු වේය කීමත් අතාර්කිකකයි. ඇත්තටම එවැනි දරුවෙකුට වෙනත් ඕනෑම දරුවෙකුට වාගේම දෙමව්පියන්ට වඩා උසස් ගතිගුණ පිහිටීමටත් එක හා සමාන ඉඩක් තියෙනවා.

http://kathandara.blogspot.com/2013/03/genes-or-environment.html

කොච්චි, කෝච්චි සහ කෝපරේට් නිදිමත මැද්දේ කතන්දරකාරයා ගේ දවස ගෙවුණු හැටි - Red hot chillies

ඉස්සර අපි සමහරු දිනපොත් නැත්තම් ඩයරි ලිව්වා මතකද? පස්සේ කාලේ කම්මැලිකමටම මං නම් මේ වැඩේ අතහරලා දැම්මා.

දැන් ඉතිං බ්ලොග් ලිව්වාට ලියන්නේ බොහෝවිට පරණ කතන්දර මිසක් එදිනෙදා සිදුවෙන දේවල් නොවෙයිනේ.

හැබැයි බ්ලොග් එහෙම නැත්නම් වෙබ් ලොග් එහෙම නැත්නම් ජාල සටහන් කියන එකේ මුල් අරුත නම් ජාලයේ දින සටහන් කියන එකයි මට හිතෙන විදියට.

ඒ මොනවා වුනත් මට අද හිතුණා මංතුමා ගේ ජීවිතයේ 2013 මාර්තු 6 බදාදා දිනය ගෙවි ගිය හැටි ගැන කෙටි සටහනක් ලියලා දාන්න ඕනෑ කියලා කතන්දර බ්ලොග් එකට.

http://kathandara.blogspot.com/2013/03/red-hot-chillies.html

හිසරදයට SEX හොඳ බෙහෙතක් බව සොයා ගැනේ - Sex therapy for migraine

කාන්තා දිනය වෙනුවෙන් ය කියලා පෙරේදා ලියන්නා ලියා තිබූ "දෙයියෝ සාක්කි" කතන්දරේ කියෙව්වද?

ඒ කතන්දරේ කතානායිකාව සිය සැමියා සමග මේ කියන දිනයේ උදේත් සවසත් එක දවසක දෙපාරක්ම sex කරනවා.

මේ කතන්දරයට ප්‍රතිචාරයක් දාපු තිසර මෙන්න මෙහෙම කියලා තිබුණා.

"දවසට දෙපාරක් ඔච්චර කැමැත්තෙන් වැඩේට පැනලා එන්නේ පිරිමියෙක් ගෑනියෙක් වෙච්ච දවසට තමයි ඉතිං... නැත්තං 'අනේ අද ඔලුවේ කැක්කුමයි', 'මහන්සියි', 'අද හොඳ නෑ'... අර ෆේමස් ලිස්ට් එකක් තියෙන්නෙ ඔය ගැන.."

http://kathandara.blogspot.com/2013/03/sex-sex-therapy-for-migrane.html

රූපියල් සීයට හෙළකම පාවාදීම නොහොත් දේශප්‍රිය ලංකාපුත්‍ර යුවලගේ ඉන්දියානු ගමන - Mr and Mrs Lankaputhra's Indian Tour

දේශප්‍රිය ලංකාපුත්‍ර මැතිතුමා හෙළයෙකි. හොඳ හෙළ කකුලකි. ඇත්තටම කියනවා නම්, එක කකුලක් පමණක් නොව දේශප්‍රිය ලංකාපුත්‍ර මැතිතුමා ගේ කකුල් දෙක, අත් දෙක සහ මුළු ශරීරයම හෙළ වේ.

ලංකාපුත්‍ර මැතිණිය ද එසේමය.

ලංකාපුත්‍ර ලා ගේ සිව් පාර්ශවයෙන්ම සියවස් ගණනක් ඈතට විහිදී යන හෙළකමක් ඇත. එය බලි, තරු, රාවණ කාලයටම විහිදී යන්නක් යැයි සිතේ. එයට හේතුව නම් විජය ගේ සිට වීර පනික්කිලා දක්වා විවිධ කාල වකවානුවල ඉන්දියාවේ සිට ලංකාවට පැමිණ සිංහල වංශය සෑදූ අයටත් වඩා ලංකාපුත්‍ර ලා මුළු ඇඟ පුරාම හෙළ ලේ තියෙන අය වීමයි.

ඔය ආන්ද්‍ර ප්‍රදේශයෙන්, කේරලයෙන්, ගුජරාටියෙන්, ඇසෑමයෙන් ලංකාවට පැමිණි අරුන් මුන්ටත් වඩා ලංකාපුත්‍ර ලා දේශපාලනිකව ඉන්දියානු වීරෝධී වෙන්නේ එනිසා ය.

http://kathandara.blogspot.com/2013/03/mr-and-mrs-lankaputhras-indian-tour.html

මේක සුනිල් ආරියරත්න නන්දා මාලනී ට ලියපු සින්දුවක් ද? - Is this a song about Anuradhapura or about an aging woman?

මෙන්න අද කතන්දරේ.

අපේ ළමා සමාජයේ කොන්සර්ට් එකට මොනවාගේ අංගයක් ද ඉදිරිපත් කරන්නේ කියලා තීරණය කරන්න පොඩි සාකච්ඡාවක් තිබුණා. මේ පාර කොන්සර්ට් එකේ තේමාව ඉතිහාසය නිසා එක එක පන්තිවලින් ඉතිහාසයේ විවිධ වකවානු ගැන සඳහන් වෙන අයිටම් කෙරුණොත් හොඳයි කියන එක තමයි පොදු අදහස වුනේ.

අපේ පන්තියට බාරවුනේ අනුරාධපුරය ගැන සම්තින් කරන්නයි.

"අපි අනුරාධපුරේ ගැන හොඳ සින්දුවකට ඩාන්ස් එකක් කරමු!" එක යෝජනාවක් ආවා.

http://kathandara.blogspot.com/2013/03/song-about-anuradhapura-or-about-aging.html

පිස්සන් වර්ගීකරණය - Four categories of loonies

කතන්දර බ්ලොග් එකේ මං කියවන බ්ලොග් රෝල කොටස් හතරකට පහකට කඩලායි තියෙන්නේ.

ගෑල්ළමයි ලියන බ්ලොග්, මං කියවන පොලිටිකල් බ්ලොග්, මං කියවන කතන්දර බ්ලොග් සහ මං (සමහර විට) කියවන කවි බ්ලොග් තමයි ඒවායින් මූලිකම කොටස්.

මේ ලියන 28 බ්‍රහස්පතින්දා දවල් වෙනකොට මෙන්න බොලේ මේ බ්ලොග් රෝලේ පොලිටිකල් බ්ලොග් කොටසේ හැර අනිත් තැන් වලින් අපිට පිස්සු ඕයි කියලා පෝස්ට් මතුවෙන්න පටන් ගත්තා.

සංජුට, දිල්සරාට, බීට්ල්ට, ඕනයාට, අමිලට, සුදු පූසාට, පසන්ට, ලීෂාන්ට විතරක් නොවෙයි අනේ අපොයි ඇනෝනිමස් ආතල්ටත් පිස්සු ලු!

හැබැයි පොලිටිකල් ලිපි ලියන පැරාට, මාතලන්ට, කළාමැදිරියාට, ලූප්හෝල්ට, දයල් බතීට, චාර්මීට, බූවාට හෙම තවම බෝවෙලා නෑ!

මේක දැකලා මට මතක් වුණා පිස්සන් ගැන පරණ විශ්ලේෂණයක්.

http://kathandara.blogspot.com/2013/03/four-categories-of-loonies.html

කතන්දරකාරයා ගේ නිරුවත හෙළිවේ (ඇඩම්ස් ඔන්ලි) - Kathandara Karaya in drag (with photos)

මේ දවස්වල සිංහල බ්ලොග් ලෝකයේ වැඩ කෝටියයි.

නිරුවත හෙළිවෙනවා.
පුකත්වය හෙලිවෙනවා.
ඒ අල්ල පනල්ලේ ඒ අනං මනං ගැන කතන්දරත් ලියවෙනවා.

මං ලියපු බාලචන්ද්‍ර දරුවාගේ මරණය, මිනිසුන් සහ නොමිනිසුන් කියන ලිපිය පලවුණාට පස්සේ ඒ කාරණය ටයිටලේට අරගෙන ශිශිර නිද්‍රාවෙන් මේ ළඟදී අවදි වුණු ඇනෝනිමස් ආතල්කාරයා පොඩි ලියුං කෑල්ලක් ලියලා දාලා තිබුණා.

ඒකේ තිබුණු උත්ප්‍රාසය තේරුම් ගන්න තරම් මස්තිස්ක වත්කමක් නොතිබුණු සමහර ඇනෝලා ඒ ගැන කියපු එක එක කතාවලට විනෝද සමයත් පරාදයි. අර කාලෙකට කලින් වර්ගපූර්ණිකාව බ්ලෝග් එක ගැන අපූරු කමෙන්ට්ස් දාපූ විදූ ගොයියාව සිහිවෙන ජාතියේ කමෙන්ට්ස් පවා ලැබිලා තිබුණා ඇනෝනිමස් ආතල් ගේ ලිපියට.

ඔය කේස් එක යන අතරේ මට මතක් වුණා ඇත්තටම කතන්දරකාරයා ගේ නිරුවත එළිවෙච්ච දවසක්.

මෙන්න ඒ ගැන පොඩි විස්තරයක් ඡායාරූප සහිතව.

http://kathandara.blogspot.com/2013/02/kathandara-karaya-in-drag-with-photos.html

පුකත්වය යනු කුමක්ද සහ පුකත්වය හෙළිදරව් වීම - Arseholedness exposed!

පුකත්වය යනු කුමක්දැයි හොඳින් සැකහැර දන්නන් කිහිප දෙනෙක් මේ කතන්දරය කියවන පිරිස අතර සිටින්නට ඉඩ ඇත. ඒ සමගම වචනය ඇසූ පමණින්ම පුකත්වය යනු කුමක්දැයි පිළිබඳව තරමක අදහසක් ඇතිකර ගැනීමට තවත් බොහෝ දෙනෙකුට හැකි වෙනු ඇත.

ඒ කෙසේ වෙතත්, මා මේ සැරසෙන්නේ පුකත්වය යනු කුමක්දැයි පහදා දෙන්නයි. වඩාත් නිවරදිව කිවහොත් පුකත්වය යනුවෙන් මා අදහස් කරන දේ ගැන පහදා දෙන්නයි. පුකත්වයට නිර්වචනයක් ලබා දෙන්නයි.

http://kathandara.blogspot.com/2013/02/arseholedness-exposed.html

නිරුවත හෙලිවීම (මෙය හිකිස් හිකිස් කේස් එකක් ගැන නොවේ) - Nakedness Exposed!

අප සැම උපන්නේ නිරුවතිනි.

එහෙත් දැන් අපි රෙදි ඇඳ පැලඳ සිටිමු.

මොන රෙද්දෙන්, වස්ත්‍රයෙන් ගත වසා ගත්තද ඇතුලේ තිබෙන්නේ නිරුවත ය.

නිරුවත යනු යථාර්තයයි. නිරුවත හෙලිවීම යනුවෙන් අදහස් කෙරෙන්නේ යථාර්තය හෙලිදරව් වීමයි. හක්කේ දල්වා ගෙන ඇති බුදු රැස් නිවී බොක්කේ ඇති දඩමස් පෙනෙන්නට වීමයි.

මේ සන්ඩේ ස්පැෂල් ඇක්ස්ට්‍රාව ලියන්නේ එවැනි නිරුවත හෙලිවීමක් පාදක කරගෙන ලියවුණු කවියක් ඔබට ඉදිරිපත් කිරීමටයි.

http://kathandara.blogspot.com/2013/02/nakedness-exposed.html

බාලචන්ද්‍රන් දරුවා ගේ මරණය, මිනිසුන් සහ නොමිනිසුන් - Balachandran, humans and evil beings

ඊයේ මම ඇඬුවෙමි.

ඒ බාලචන්ද්‍රන් මරාදැමීමට පෙර හා පසු ඡායාරූප දැක ඒ සම්න්ධයෙන් පලවී තිබුණු වාර්තාව කියවීමෙන් පසුවය.

එලියකන්ද වධකාගාරය ගැන රෝහිත මුණසිංහ ලියූ පොත කියවා ඇඬු මා ඊයේ ඇඬීම අරුමයක් නොවේ.

මා ඊයේ ඇඬුවේ බාලචන්ද්‍රන් වෙනුවෙනි.

මා ඊයේ ඇඬුවේ දොලොස් වියට එළඹෙන වයසේ සිටින මගේ පුතා වෙනුවෙනි.

මා ඊයේ ඇඬුවේ මා වෙනුවෙනි.

මා ඊයේ ඇඬුවේ මගේ පියා වෙනුවෙනි.

මා ඊයේ ඇඬුවේ ලොව සියළු පුතුන් සහ පියවරුන් වෙනුවෙනි.

මේ පුවත අසා කම්පා නොවුනු පුතෙකු, පියෙකු හෝ මවෙකු සිටීදැයි පුවත් වෙබ් අඩවිවල, බ්ලොග් අඩවිවල දමා තිබුණු ප්‍රතිචාර නොකියවූයේ නම් මට සිතා ගත නොහැකි වෙනු ඇත.

http://kathandara.blogspot.com/2013/02/balachandran-humans-and-satanic-beings.html

තවත් එක් චූ කතන්දරයක් (නොතේරෙන අයට කේස් එක අවශ්‍යම නම් පහදා දෙනු ලැබේ!) : Bladder control ~ for women only

අපේ වැඩිහිටි ඥාතිවරියක් දින කිහිපයක් ගත කිරීමට අප නිවසට පැමිණියාය. සති අන්තයේ සෙනසුරාදාවේ ඇයව ද රැගෙන පොඩි පහේ විනෝද චාරිකාවක් යෑමට හාමිනේත් මමත් සැලසුම් කළෙමු.

අපට නිවසින් පිටත්වෙන්නට තිබුණේ උදෑසන දහයට පමණය. හීලට කිරිබත් කා තේ බීවේ උදේ හතට පමණ නිසා එදා මට නමයට පමණ තේ එකක් බීමට සිතක් පහළ විය.

"ඩාල්, හදන්නකෝ හොඳ ළමයා වගේ තේ. යන්න කලින් තේ එකක් බිව්වොත් හොඳයි වගේ!" මම මා ප්‍රිය බිරිඳ අමතා කීවෙමි.

"නැන්දට ඕනෑ, කිරි තේ ද, නිකං තේ ද, කෝපි ද?" බිරිද නැන්දා විමසුවාය.

http://kathandara.blogspot.com/2013/02/bladder-control-for-women-only.html

තමන්ගෙ මැට්ටම් තම්මැට්ටම් හෙවත් පුත් කුමරුට නම් තැබීම - Breaking the trend is trendy!

අර පහේ පන්තියේ සිස්සස්සෙට තියෙන අංක රටා ගණං මතක ළමයි අත උස්සන්න බලන්න.

ඔන්න එක සරල උදාහරණයක්.
1,3,5,7

දැන් ඔහෙලාට තියෙන්නේ මේ රටාවේ ඊලඟට එන අංකය හොයන්නයි.

(පහ පාස් නැති අයගේ ප්‍රයෝජනය පිණිස මෙන්න උත්තරයඃ 9)

මෙන්න තව එකක්.
1,3,7,15 (උත්තරය 31)

මෙන්න තවත් එකක්.
1,2,6,42 (උත්තරය 1806)

ඔය ආකාරයට පහ පාස් අයට වුණත් අමාරු ඉලක්කම් රටා ගණං සෙට් කරන්න පුළුවනි.

රටා කියන ඒවා ඉලක්කම් වලට විතරක් නොවෙයි අදාල වෙන්නේ.

සමහර දෙමව්පියෝ තමන්ගේ ළමයින්ට නම් දාන්නෙත් රටාවකට.

මං දන්න එක පවුළක සහෝදරවරු හතර දෙනෙක් යුනිවසිටියේ හිටියා.

http://kathandara.blogspot.com/2013/02/blog-post.html

පොතකින් උස්සන ලදී - උණු උණු නැත, ටිකක් පරණයි! - A leaf out of Akshara Senaga

"ඉනි අවන්" කරපු අශෝක හඳගම කාළෙකට කලින් "අක්‍ෂරය" කියලා මූවි එකක් කළා. ඒක තහනම් කළ නිසා හුඟ දෙනෙක් ඩීවීඩී එක දැකලා ඇතිනේ?

අක්‍ෂරය කිව්වාම මට මතක් වුනේ අක්‍ෂර සෙනග කියන පොත. මේක නිර්මාණ එකතුවක්. ප්‍රකාශනය කෙරුවේ බූන්දි කාරයෝ.

සයිබර් අවකාශයේ ලේඛන කලාව ගැන උනන්දුවක් තියෙන බොහෝ දෙනෙක් බූන්දි [boondi.lk] වෙබ් සයිට් එක සහ ගූගල් ගෲප් එක ගැන දන්නවා වෙන්න ඕනෑ.

බූන්දි වෙබ් සයිට් එක 2008 ආරම්භ කරපු දවසේ දොරට වැඩිය "අක්‍ෂර සෙනග" ග්‍රන්ථයට රසික සූරියආරච්චි ලියපු හැඳින්වීම මෙන්න.

http://kathandara.blogspot.com/2013/02/leaf-out-of-akshara-senaga.html

කවියක් සින්දුවක් කරන හැටි - A new song by Hemal Jayawickrama

සින්දු කවි කරන හැටි නම් අපේ කෂ්ටියට අමුතුවෙන් කියලා දෙන්න අවශ්‍ය නෑ නේ! බොහෝ විට දිනපතා ම, සතිපතා ම හෝ මාස්පතා ම කරලා සෑහෙන්න එක්ස්පීරීයන්ස් තියෙනවා මට නම්.

අද මේ සන්ඩේ ස්පැෂල් ඇක්ස්ට්‍රා කතන්දරය කවියක් සින්දුවක් කරන විදිය ගැනයි. පාඩම් පොතක විදියට පියවරෙන් පියවර නෙමෙයි, එකෝම එක උදාහරණයකින්.

http://kathandara.blogspot.com/2013/02/new-song-by-hemal-jayawickrama.html

අහවල් ඉස්කෝලේ ටීචර් - In Her Majesty's Service

මගේ වැඩිහිටි පරම්පරාවේ රැකියා කළ බාප්පලා, මාමලා, නැන්දලා, පුංචි අම්මලා, ආච්චීලා, සීයලා අතුරෙන් අති බහුතරය ගුරුවරුන් ය.

මා දන්නා තරමින් මේ ලිපිය කියවන බොහෝ දෙනෙකුගේ පවුල්වල තත්වයද එලෙස වෙනු ඇත.

එයට හේතුව මා ලියූ මුල්ම සන්ඩේ ස්පැෂල් ඇක්ස්ට්‍රාවෙන් කියූවෙමි.

වසර දහනවයේ දී රජයේ උප ගුරුවරයෙකු ලෙස රැකියා කිරීම ඇරබූ මගේ පියා පසුව මරදානේ කාර්මික විද්‍යාලය, මීරීගම ගුරු විද්‍යාලය, විද්‍යෝදය විශ්ව විද්‍යාලය වැනි තැන්වලින් කප් ගැසූවද දිගටම ගුරු වෘත්තියේ රැඳී සිටියේ ය.

http://kathandara.blogspot.com/2013/02/in-her-majestys-service.html

සමලිංගික පරබල්ලා! - Homosexual Pariah dog

මේ ලියන්න යන්නේ කාට හෝ කරන බැනුමක් ගැන නම් නොවේ.

මේක බල්ලෙක් ගැන කතාවක්!

නිකං බල්ලෙක් ගැන කතාවක් නොවෙයි, ඇමරිකාවේ ඉන්න බල්ලෙක් ගැන කතාවක්!!

නිකං ම නිකං ඇමරිකාවේ ඉන්න බල්ලෙක් ගැන නොවෙයි, ඇමරිකාවේ ඉන්න සමලිංගික බල්ලෙක් ගැන කතාවක්!!!


http://kathandara.blogspot.com/2013/02/homosexual-pariah-dog.html

සීයලා පස් දෙනෙක් අංකල් ලා කාලේ ඡායාරූපයක් - Who's who of Sinhala literature

මේ පහත තියෙන්නේ මට ඊයේ පෙරේදා දවසක ඊ-මේල් එකකින් ලැබුණු ඡායාරූපයක්.

මේක මං හිතන්නේ අවුරුදු හතලිහකට විතර කලින් ගත්තු එකක් වෙන්න ඕනෑ.

මටයි තව මිතුරන් කීප දෙනෙකුටයි මේක එවපු මගේ මිතුරා මෙතන ඉන්න අංකල්ලා පස් දෙනා අඳුණා ගන්න කියලා පොඩි චැලේන්ජ් එකක් කළා.

මං තුමා ඒ ප්‍රහේලිකාවේ 60% ක්ම විසඳුවා.

මෙන්න ඒ ෆොටෝ එක. කියන්න පුළුවනිද බලන්න මේ පස්දෙනා කවුද කියලා.

http://kathandara.blogspot.com/2013/02/whos-who-of-sinhala-literature.html

ලිහිණි ලියන "ලිහිණිසර" - Sinhala Buddhist Taliban Saudi Arabia

මං මේ බ්ලොග් එක ලියන්න පටන් ගත්තේ 2009 ජූලි මාසයේදී යි.

එදා ඉඳන්ම වගේ මං කළ දෙයක් තමයි බ්ලොග් ගැනත් මගේ බ්ලොග් එක ගැනත් මට හමුවන දන්න, නොදන්න හැම දෙනාටම ඉඩ ලැබෙන පරිදි කියලා දෙන එක.

මේ සඳහා මං "බිස්නස් කාඩ්" එකකුත් ගැහැව්වා. මට මතකයි 2009 දෙසැම්බර්වල තිබුණු සිංහල බ්ලොග්කරුවන්ගේ සංගමයේ පළමු රැස්වීමට ඇවිත් මං මගේ කාඩ් බෙදපු හැටි.

හැබැයි, බ්ලොග් ලියන අයට විතරක් කාඩ් බෙදලා තේරුමක් නෑ. අපි කියවන්න උනන්දුවක් ඇති, පරිඝණක භාවිතා කරන සියළු දෙනාම අතර බ්ලොග් ගැන ප්‍රචාරය කරන්න ඕනෑ.

මට මතකයි සිහි සටහන් ලියපු චානුක වත්තේගම මේ ගැන හිතලා සති කිහිපයක් පුරා බ්ලොග් ගැනත්, සිංහල බ්ලොග් අවකාශයේ තියෙන විවිධ බ්ලොග් ලිපි ගැන උදාහරණත් එක්ක ලිපි පෙලක් ලිව්වා ඉරිදා ලක්බිම පත්තරේට. ඒ ලිපි පෙල කියවලා සෑහෙන පිරිසක් සිංහල බ්ලොග් ගැන දැනගත්තා.

http://kathandara.blogspot.com/2013/01/sinhala-buddhist-taliban-saudi-arabia.html

හේට් චේන් ඊ-මේල් එකට හලාල් උත්තරයක්! - A Halal reply to a hate mail

චේන් ඊ-මේල් ගැන ඔහේලාට අමුතුවෙන් ටියුෂන් ඕනෑ නෑනේ. අළුතින් ඊ-මේල් බිස්නස් එකට බැස්ස එක්කෝ පොඩි පහේ පිස්සුවක් නැතිනම් පොඩි මෝඩකමක් තියෙන යාළුවෙක් ඉන්න ඕනෑම කෙනෙක් මේ චේන් ඊ-මේල් ගැන දන්නවා.

මෙන්න චේන් ඊ-මේල් විවිධ වර්ග.

1. සමහර ඒවා, අලිබබා, බූබබා සහ සායිබබාලා ගැනයි. ඒ ඊ-මේක් එකක් දහ දෙනෙකුට යැව්වොත් ගොවිසෙතක් ඇදෙනවා. විසි දෙනෙකුට යැව්වොත් ශනිදා වාසනාව! යැව්වේ නැත්තං එක්කෝ හාට් ඇටෑක්, නැත්තං අඩු ගානේ හර්නියා එකක් එනවා.

2. තවත් වර්ගයකින් කියවෙන්නේ ......................

http://kathandara.blogspot.com/2013/01/halal-reply-to-hate-mail.html

ගැලිය, එලියකන්ද සහ සත්ව හිංසනය - A shocking video

පොඩි කාලේ අපේ ගෙවල්වල බල්ලෝ, පූසෝ හිටියා, හැබැයි ඒ එක සතෙක්වත් දම්වැල්, ලණුවලින් බැඳලා, කූඩුවල දාලා හිටියේ නෑ. උන් ඔහේ නිදහසේ හිටියා. බල්ලෝ ගෙයින් පිට. පූසෝනම් ඇතුලෙත් පිටත් දෙකේම.

මං පූසෝ, බල්ලෝ වගේ සත්තුන්ට අකමැත්තක් නෑ. ඒ මොනවා වුනත් ඒ දවස්වල ම මං හිතාගත්තු දෙයක් තමයි කවදාවත් මගේ ගෙදරක සත්තු ඇති කරන්නේ නෑ කියන එක.

තාමත් අපේ ගෙදර සත්තු නෑ. රෝස බබාවත්, පුතු පැටියාවත් බලු පැටව්, පූස් පැටව් ඉල්ලලා කරදර කළෙත් නෑ කවදාවත්.

http://kathandara.blogspot.com/2013/01/shocking-video.html

මෙන්න කියවන්න වෙන්ඩ සින්දුවක් - A song in the making

පොසිටිව් තින්කින් කියන එක දන්නවද?

ඒක විස්තර කරන්නේ මෙහෙමයි.

ඔන්න පොරක් ඉන්නවා රුපියලක් තමන් ලඟ තියෙන. පොර හිතනවා "තව රැපියල් නවසිය අනූනමයයි මට ඕනෑ, මේක රැපියල් දාහක් කරගන්න!" කියලා.

ඒ වගේ තමයි මාත්.

වචන පේලි කීපයක් ලියාගෙන හිතනවා "ආ, මේකට තව තනුවකුයි, සංගීතයයි, කටහඬකුයි විතරයි ඕනෑ, සින්දුවක් වෙන්න" කියලා.

http://kathandara.blogspot.com/2013/01/song-in-making.html

එක සුනඛයෙකු හොඳටෝම සෑහේ! - One dog is more than sufficient!

දිනය 2012 දෙසැම්බර් මස නම හත්වෙනි සිකුරාදා ය.

ඔෆීසියේ පුටුවක් රත්කරමින්, වාර්තා, ඊ-මේල් සහ සංඛ්‍යා ලේඛන අතර හිරවී සිටින මගේ ජංගම දුරඛතනයට ඇමතුමක් ලැබුණි. ඒ මගේ අම්මාගෙනි.

"පුතේ කළබල වෙන්න එපා. ඊයේ සමන්ත මෝටර් සයිකලෙන් වැටිලා. ඉස්පිරිතාලෙලු!"

"ආ! කවුද කිව්වේ?"

"රුවන්තිකා කෝල් කරලා කිව්වා."

"ඉතිං හුඟක් තුවාලයි ලු ද?"

http://kathandara.blogspot.com/2013/01/one-dog-is-more-than-sufficient.html

නේද? නේද? Questions, questions!

මේ ඊයේ පෙරේදා දවසක ටෙලිවිෂන් නිවුස් අයිටම් එකකට දාපු ක්ලිප් එකක මංතුමා ළාවට ඉඳලා තියෙනවා තත්පර දෙකකට විතර. තනියම නෙමෙයි තවත් පිරිසක් මැද්දේ.

නමුත් ඉතිං කතන්දරකාරයා කියන්නේ කැපිල පෙනෙන හාදයා නේ. ඒ මදිවට මේ නිවුස් අයිටම් එක දෙතුන් පාරක්ම නිවුස්ෆ්ලෑෂ්වලට පෙන්නලා තියෙනවා.

ඉතිං මාව දැක්කා ටිවී එකේ ලියලා මං දන්න අඳුණන අයගෙන් කෝල්ස් එන්න පටන් ගත්තා පට්, පට් ගාලා.

http://kathandara.blogspot.com/2013/01/questions-questions.html

දොරකඩ මාරාව නොහොත් දෙවියනි තෝ කොහිද? Where art thou buddy?

ඔය මාතෘකාවට මං දාල තියෙන්නේ වසන්ත ඔබේසේකර ගේ චිත්‍රපටියක නමක්. සනත් සහ සබීතා හිටියාය කියලයි මට මතක තිබුනේ. මතකය හරි!

ඒ මූවි එකේ කතාව සාමාන්‍යයෙන් වසන්ත ඔබේසේකර ගේ හැම චිත්‍රපටයක් ගැනම කියනවා වාගේ සත්‍ය කතාවක් මත පදනම් වුණු එකක් කියලයි මං අහලා තියෙන්නේ.

දොරකඩ මාරාව පටන් ගන්නේම වාහන අනතුරකින්. ඒකෙන් වාහනයේ ගිය යුවල මැරෙනවා. ඒ දෙන්නගේ මැරෙන්න කලින් කතාව තමයි චිත්‍රපටියේ තිබුණේ.

මේ ලඟදී මට අහන්න ලැබුණා ඒ වගේම කේස් එකක්. හැබැයි ඊටත් වඩා දුක හිතෙන කතාවක්.

http://kathandara.blogspot.com/2013/01/where-art-thou-buddy.html