මේ සිද්ධිය වුනේ පහුගිය දෙසැම්බරයේ. ඒ කාලේ පැල් බැඳගෙන වහිනවා අපේ ගෙවල් පැත්තට. දානේ ගෙදරක් තිබුණු හින්දා ඔන්න මට ඕනැ වුණා සුදු කමිසයක් ගන්න. තිබුණු සුදු කමිසේ හෝදලා දැම්මත් කොහේ වේලාගන්නද ඒ වැස්සේ?
එදා හවස මං වැස්සේම ගියා හොරණ පැත්තේ අපේ නෑදෑ ගෙදරක. ආපහු එන කොටත් මොර සූරණ වැස්ස. හොඳ වෙලාවට අතර මගට කාර් එකකින් ලිෆ්ට් එකක් ලැබුණා. බස්සෙකක් එනකං කඩයක් අයිනේ හිරිකඩෙන් බේරිලා ඉන්න වෙලේ මට මතක් වුණා සුදු කමිසයක් ගත්තොත් හොඳයි නේද කියලා.
මං ගොඩ වැදුණා මේ රෙදි කඩේට. හොඳ වෙලාවට මේ කඩ රෑ හතටත් ඇරලා!
"සෑර්, ජෙන්ට්ස් ලා ගේ ඇඳුම් උඩ තට්ටුවේ!" පල්ලෙහා කෑල්ලේ හිටිය මල් ගවුමක් ඇඳලා හිටිය කෙලි පැටික්කියෙක් මට කීවා.
http://kathandara.blogspot.com/2011/08/blog-post_24.html
No comments:
Post a Comment